മഹ്മൂദിയ്യ മാത്തെമാറ്റിക്സ്‌ ടാലന്‍റ് സേര്‍ച്ച്‌ എക്സാമിനേഷന്‍ (MTSE 2015) ക്യാഷ് പ്രൈസ്‌ വിജയികള്‍

CLASS	FIRST	SECOND	THIRD
I	AMINA  A S    ( I ROSE)	FATHIMA NASRIN           (I ROSE) AHSANA NISHAD (I ROSE)	AMINA ZAIDHIYA (I LILY)
II	MUHAMMED HISHAM  V S   (II ROSE)	INSHA   (II ROSE)                        MOHAMMED RISWAN           (II JASMINE)	MUBARIS  ( II LILLY)           FIDHA NASRIN  P R (II LILLY)
III	AYSHA HANNA   (III JASMINE)	MUHAMMED IFSAN (III  JASMINE)	ITHBAN  (III LILY)

CLASS	FIRST	SECOND	THIRD
IV	ABDUL VARIS  (IV ROSE)	FIDHA RAZMINE   (IV JASMINE)	SHAHID MS  (IV ROSE)
V	AMAR ZIYAD    ( V ROSE)	ALISHA PM (V LILY) NAJA PARVIN   ( V LILY)	AMAN FADHIL   (V LILY)
VI	MUHAMMED ASLAM RASHEED (VI ROSE) RAYHAN KU ( VI ROSE)	HASNA  K H  (VI ROSE)	MOHAMMED RAMEES (VI LILY) RINSHA  (VI LILY) ALEENA  (VI ROSE)
VII	FATHIMA RIYA NAHALA   (VII ROSE)	\ AYSHA HANNATH   ( VII ROSE)	FABI HANNAN  (VII ROSE) NASHITHA   (VII ROSE)
VIII	MUHAMMED FARIZEEN    (VIII LILY)	FAHAD  KK (VIII ROSE)	FATHIMA SAHLA  (VIII ROSE) MURSHIDA  (VIII LILY)

കോഴിക്കോടിന്‍റെ ട്രാക്കില്‍ വിജയതിളക്കവുമായി മഹ്മൂദിയ്യ ചുണക്കുട്ടികള്‍

കോഴിക്കോട് നടന്ന IAME  സംസ്ഥാന തല സ്പോര്‍ട്സ് മീറ്റില്‍ മഹ്മൂദിയ്യ വിദ്യാര്‍ഥികള്‍ക്ക് വിജയം.
ആണ്‍കുട്ടികളുടെ കാറ്റഗറി 3 ,കാറ്റഗറി 4 ,കാറ്റഗറി 5 എന്നീ വിഭാഗങ്ങളിലാണ് മഹ്മൂദിയ്യ  വിദ്യാര്‍ഥികള്‍ വിജയം നേടിയത്.

സിനാന്‍ : കാറ്റഗറി  4 ജാവലിന്‍ ത്രോ
മൂന്നാം സ്ഥാനം

ഫാഹിസ്: കാറ്റഗറി 5 ഹൈ ജംപ്
രണ്ടാം സ്ഥാനം

അരുള്‍ അഗസ്റ്റിന്‍ : കാറ്റഗറി  4 ഷോട്ട്പുട്ട്
മൂന്നാം സ്ഥാനം

ഹസീബ് : കാറ്റഗറി4   800 മീറ്റര്‍
മൂന്നാം സ്ഥാനം

 

അനസ് പി എ : കാറ്റഗറി 3  ലോങ്ങ്‌ജംപ്
                                                                                          മൂന്നാം സ്ഥാനം                                                                                          

IAME തൃശ്ശൂര്‍ സോണല്‍ ലെവല്‍ സ്പോര്‍ട്സ് മീറ്റില്‍ പെണ്‍കുട്ടികളുടെ വിഭാഗം മത്സരങ്ങളില്‍ മൂന്നാം സ്ഥാനവും ആണ്‍കുട്ടികളുടെ വിഭാഗത്തില്‍ രണ്ട് പോയന്‍റ് വിത്യാസത്തില്‍ നാലാം സ്ഥാനവും മഹ്മൂദിയ്യ വിദ്യാര്‍ഥികള്‍ കരസ്ഥമാക്കിയിരുന്നു.  ഫിസിക്കല്‍ എഡുക്കേഷന്‍ ട്രെയിനര്‍ ശ്രീ. മുഹമ്മദ്‌ ഹനീഫയുടേയും സിസിഎ കോര്‍ഡിനേറ്റര്‍ ശ്രീ. വിപിന്‍ദാസിന്‍റെയും പരിശീലന മികവിലാണ് മഹ്മൂദിയ്യ വിദ്യാര്‍ഥികള്‍ ഈ നേട്ടം കൈവരിച്ചത്.

IAME  സംസ്ഥാന തല  സ്പോര്‍ട്സ് മീറ്റില്‍
മാര്‍ച്ച്‌പാസ്റ്റില്‍ മികച്ച പെര്‍ഫോര്‍മന്‍സിനുള്ള ട്രോഫിയുമായി മഹ്മൂദിയ്യ ഉള്‍പ്പെട്ടതൃശൂര്‍ സോണ്‍ ടീമംഗങ്ങള്‍ മഹ്മൂദിയ്യ ഫിസിക്കല്‍ എഡുക്കേഷന്‍ ട്രയിനര്‍
 മുഹമ്മദ്‌ ഹനീഫയോടോപ്പം 

സംസ്ഥാന തല ചെസ്സ്‌ മത്സരത്തില്‍ (IAME) മഹ്മൂദിയ്യ വിദ്യാര്‍ഥികള്‍ക്ക് രണ്ടാം സ്ഥാനം

മഹ്മൂദിയ്യ വിദ്യാര്‍ഥികളായ യാദവ് ഷണ്മുഖന്‍ (അണ്ടര്‍ 16)  റിന്‍ഷ (അണ്ടര്‍ 12) എന്നിവര്‍ സംസ്ഥാന തല IAME ചെസ്സ്‌ മത്സരത്തില്‍ രണ്ടാം സ്ഥാനം നേടി. IAME ക്ക് കീഴിലുള്ള വിവിധ സ്കൂളുകളിലെ വിദ്യാര്‍ഥികള്‍ക്കായി   കാലിക്കറ്റ്  ടവറില്‍  സംഘടിപ്പിച്ച മത്സരത്തിലാണ് വിജയികളായത്. 

മഹ്മൂദിയ്യ ഇന്‍ഫോര്‍മേഷന്‍ കാര്‍ഡ്‌

മഹ്മൂദിയ്യ ഇന്‍ഫോര്‍മേഷന്‍ കാര്‍ഡിന്‍റെ ഔദ്യോഗിക പ്രകാശനം നടന്നു. 

ഇന്ന്‍ ചേര്‍ന്ന പ്രത്യേക അസ്സെംബ്ളിയില്‍ വെച്ച് സ്കൂളിന്‍റെ വിശദ വിവരങ്ങളടങ്ങിയ ഇന്‍ഫോര്‍മേഷന്‍ കാര്‍ഡ്‌ സ്കൂള്‍ ലീഡര്‍ ജോയല്‍ ജോര്‍ജിന് നല്‍കി കൊണ്ട് പ്രിന്‍സിപ്പാള്‍ ശ്രീ. അബ്ദുള്‍ റഷീദ് പ്രകാശനം ചെയ്തു. സ്കൂള്‍ ഫോണ്‍ നമ്പര്‍, ബ്ലോഗ്‌ അഡ്രസ്‌, വെബ്സൈറ്റ്, ഇ-മെയില്‍ ഐഡി, ഫേസ്ബുക്ക്‌  അഡ്രസ്‌ തുടങ്ങിയ വിവരങ്ങളാണ് കാര്‍ഡില്‍ അടങ്ങിയിരിക്കുന്നത്. വിദ്യാര്‍ഥികള്‍ക്കും രക്ഷിതാക്കള്‍ക്കും വളരെയധികം പ്രയോജനപെടുന്ന ഒന്നാണ് മഹ്മൂദിയ്യ ഇന്‍ഫോര്‍മേഷന്‍ കാര്‍ഡ്‌. 

FA 3 എക്സാം ടൈം ടേബിള്‍ പ്രസിദ്ധീകരിച്ചു.

 2015 - 16  അധ്യയന വര്‍ഷത്തെ  FA 3 എക്സാം ടൈം ടേബിള്‍ തയ്യാറായി. ഒന്നു മുതല്‍ എട്ട് ക്ലാസ്സുകളുടെ പരീക്ഷാ ടൈം ടേബിള്‍ ആണ് പ്രസിദ്ധീകരിച്ചത്.
          ഡിസംബര്‍ 16  , ബുധനാഴ്ച്ച ആരംഭിക്കുന്ന  പരീക്ഷ  ഡിസംബര്‍ 18 വെള്ളിയാഴ്ച അവസാനിക്കും.ഓരോ ദിവസവും രണ്ട് വിഷയം എന്ന രീതിയില്‍ ക്രമീകരിച്ചിരിക്കുന്ന പരീക്ഷ  രാവിലെ  പത്തു മണി മുതല്‍ 11 മണി വരെയും 11.30 മുതല്‍ 12.30 വരെയുമാണ്‌.   ഒരു മണിക്കൂര്‍ ദൈര്‍ഘ്യമുള്ള പരീക്ഷയ്ക്ക് ഓരോ വിഷയത്തിനും മൊത്തം 30 മാര്‍ക്കാണ് .
ബുധന്‍ , വ്യാഴം ദിവസങ്ങളില്‍ പരീക്ഷയ്ക്ക് ശേഷം ക്ലാസുകള്‍ ഉണ്ടായിരിക്കുന്നതല്ല. എന്നാല്‍ വെള്ളിയാഴ്ച ഉച്ചയ്ക്ക് ശേഷം റഗുലര്‍ ക്ലാസുകള്‍ ഉണ്ടായിരിക്കും.
                                        ടൈം ടേബിള്‍ താഴെ കൊടുത്തിരിക്കുന്നു.  

                          

iame ഷട്ടില്‍ ബാഡ്മിന്‍ടന്‍

മഹ്മൂദിയ്യ  ഇംഗ്ലീഷ് സ്കൂള്‍ സംഘടിപ്പിച്ച   iame തൃശൂര്‍ സോണ്‍  ഷട്ടില്‍ ബാഡ്മിന്‍ടന്‍ മത്സരങ്ങളില്‍ മഹ്മൂദിയ്യ വിദ്യാര്‍ഥികളായ അനസ് (അണ്ടര്‍12-സിംഗിള്‍സ്) രണ്ടാം സ്ഥാനവും സിനാന്‍ (അണ്ടര്‍ 16 -സിംഗിള്‍സ്) മൂന്നാം സ്ഥാനവും റാഷിം റഷീദ്, ജാസിം (അണ്ടര്‍ 16 - ഡബിള്‍‍സ്‌) എന്നിവര്‍  നാലാം സ്ഥാനവും നേടി.

               30.11. 2015 തിങ്കളാഴ്ച്ച പെരിഞ്ഞനം പ്രതീക്ഷ ഇന്‍ഡോര്‍ സ്റ്റേഡിയത്തില്‍ നടന്ന മത്സരങ്ങളില്‍ iame യുടെ കീഴിലുള്ള 6 സ്ക്കൂളുകള്‍ പങ്കെടുത്തു.

  മഹ്മൂദിയ്യ സ്കൂള്‍ ഫിസിക്കല്‍ എഡുക്കേഷന്‍ ട്രെയിനര്‍ ശ്രീ. മുഹമ്മദ്‌ ഹനീഫ പ്രധാന സംഘാടകനായിരുന്ന മത്സരങ്ങളുടെ വാലിഡിക്റ്ററി ചടങ്ങില്‍ മഹ്മൂദിയ്യ സ്കൂള്‍ പ്രിന്‍സിപ്പാള്‍ ശ്രീ. അബ്ദുള്‍ റഷീദ് ,  അഡ്മിനിസ്ട്രേറ്റര്‍ ശ്രീ. ഷംസുദീന്‍ എന്നിവര്‍  വിജയികള്‍ക്ക് ട്രോഫിയും സെര്‍ട്ടിഫിക്കറ്റും സമ്മാനിച്ചു.

               

            

വൈജ്ഞാനിക 2015

  കുട്ടികളുടെ വ്യക്തിവികാസത്തിന് പഠനത്തോടൊപ്പം പഠനേതര പ്രവര്‍ത്തനങ്ങളും മുഖ്യപങ്ക് വഹിക്കുന്നു. കഴിവുകള്‍ പ്രകടിപ്പിക്കുവാൻ വേദികള്‍ ഒരുങ്ങുമ്പോള്‍ കുഞ്ഞു എ.പി.ജെയും ഐൻസ്റ്റീനും എഡിസണുമെല്ലാം പിറവിയെടുക്കുന്നു. കുട്ടികളുടെ കഴിവുകള്‍ കണ്ടെത്താനും പ്രോത്സാഹിപ്പിക്കുവാനുമായി നവംബർ 27 വെള്ളിയാഴ്ച സ്കൂൾക്യാമ്പസിൽ "വൈജ്ഞാനിക2015" എന്ന പേരില്‍   ശാസ്ത്രമേളയും പ്രവര്‍ത്തിപരിചയമേളയും (എക്സിബിഷൻ) സംഘടിപ്പിച്ചു.        

 പെരിഞ്ഞനം ആര്‍.എം.വി.എച്ച്.എസ്.എസ് പ്രിന്‍സിപ്പാള്‍ ശ്രീ. രാമനാഥന്‍ മാസ്റ്റര്‍ ഉത്ഘാടനം ചെയ്ത് പരിപാടിയില്‍ വിശിഷ്ടാതിഥികള്‍ ഉള്‍പ്പെടെ നിരവധി പേര്‍ പങ്കെടുത്തു. ശാസ്ത്രപുരോഗതി സമൂഹത്തിന്‍റെ നന്മക്കായ് ഉപയോഗിക്കുമ്പോള്‍ അറിവ് തിരിച്ചറിവാകുന്നു എന്ന്‍ ഉത്ഘാടന പ്രസംഗത്തില്‍ രാമനാഥന്‍ മാസ്റ്റര്‍ അഭിപ്രായപ്പെട്ടു. ശാസ്ത്രം പലപ്പോഴും പഴമയുടെ നന്മയെ നമുക്കുമുന്നില്‍ എത്തിക്കുന്നുവെന്നും മാസ്റ്റര്‍ കൂട്ടിച്ചേര്‍ത്തു. ഒന്‍പത് വേദികളിലായാണ് മെഗാഎക്സിബിഷന്‍ ഒരുക്കിയത്.സയന്‍സ്,ഗണിതം,സോഷ്യല്‍സയന്‍സ്,ഭാഷ, ഇസ്ലാമിക്‌,ആര്‍ട്ട്‌&ക്രാഫ്റ്റ്,കരാട്ടെ,ടോയ്സ്ഷോ,ഫ്ലവേര്‍സ്&ലീവ്സ്‌എന്നീ വിഭാഗങ്ങളിലായി  എല്‍.കെ.ജി. മുതല്‍ പ്ലസ് വണ്‍‌ വരെയുള്ള വിദ്യാര്‍ഥികള്‍ വളെരെ ആവേശപൂര്‍വ്വം പങ്കെടുത്ത മത്സരങ്ങളുടെ വിധികര്‍ത്താക്കള്‍ രക്ഷിതാക്കളില്‍ നിന്നു തന്നെയുള്ളവരായിരുന്നു.

കുട്ടികളുടെ കഴിവുകള്‍കണ്ടെത്താനായി സ്കൂളിലെ സയന്‍സ്,മാത്ത്സ്,   ആര്‍ട്സ്,ലാംഗ്വേജ്,സോഷ്യല്‍ സയന്‍സ് എന്നീ വിവിധ ക്ലബുകളുടെ   കൂട്ടായ്മയിലാണ് "വൈജ്ഞാനിക  2015" അറിവിന്‍റെ പുത്തന്‍ ലോകത്തിലേക്ക് മിഴി തുറന്നത്.           

iame ചെസ്സ്‌ മത്സരം: യാദവ് ഷണ്മുഖന് ഹാട്രിക് വിജയം

 iame തൃശൂര്‍ സോണ്‍  സംഘടിപ്പിച്ച ചെസ്സ്‌ മത്സരങ്ങളില്‍ മഹ്മൂദിയ്യ വിദ്യാര്‍ഥികള്‍ക്ക് വിജയം.         നവംബര്‍ 21 ശനിയാഴ്ച  aes എരുമപ്പെട്ടി സ്ക്കൂളില്‍ നടന്ന മത്സരങ്ങളില്‍ മഹ്മൂദിയ്യ സ്കൂളിലെ യാദവ് ഷണ്മുഖന്‍(അണ്ടര്‍ 16) റിന്‍ഷ (അണ്ടര്‍12) എന്നിവര്‍  ഒന്നാംസ്ഥാനവും മുഹമ്മദ്‌ റസീന്‍(അണ്ടര്‍ 12) മൂന്നാം സ്ഥാനവും നേടി മഹ്മൂദിയ്യ യുടെ അഭിമാന താരങ്ങളായി മാറി.യാദവിന് ഇത് ഹാട്രിക് വിജയമാണ്.

               

           

ഇന്‍റര്‍ സ്കൂള്‍ കരാട്ടെ

              

ഇന്‍റര്‍ സ്കൂള്‍ കരാട്ടെ മത്സരങ്ങള്‍ ഇന്ന്‍ മഹ്മൂദിയ്യ   വേദിയില്‍ അരങ്ങേറി. അഞ്ച് മുതല്‍ പത്ത് വരെയുള്ള ക്ലാസ്സുകളിലെ അറുപതോളം വിദ്യാര്‍ഥികള്‍ മാറ്റുരച്ച മത്സരങ്ങള്‍  പ്രധാന റഫറിയും  പ്രശസ്ത സിനിമാ താരവുമായ  8th Dan ബ്ലാക്ക്‌ ബെല്‍റ്റ്‌  ശ്രീ. ക്യോഷി ‍‌‌മണികണ്‍ഠന്‍, 20 റഫറിമാര്‍, 10 ഒഫീഷ്യലുകള്‍ എന്നിവരുടെ നേതൃത്വത്തിലാണ് നിയന്ത്രിച്ചിരുന്നത്.
                     

                        കത്തെ വിഭാഗത്തില്‍ 35 കുട്ടികളും, കുമിത്തെ വിഭാഗത്തില്‍ 60 കുട്ടികളും പങ്കെടുത്ത  മത്സരത്തിലെ വിജയികള്‍ക്ക് വിശിഷ്ടാതിഥിയും പ്രധാന റഫറിയുമായ ക്യോഷി ‍‌‌മണികണ്‍ഠന്‍, സ്കൂള്‍ പ്രിന്‍സിപ്പാള്‍ ശ്രീ .അബ്ദുള്‍ റഷീദ് എന്നിവര്‍ സര്‍ട്ടിഫിക്കറ്റ്, ട്രോഫി എന്നിവ വിതരണം ചെയ്തു.

 സ്ക്കൂള്‍ കരാട്ടെ ഇന്‍സ്ട്രക്റ്റര്‍ ശ്രീ. സൈനുദ്ധീന്‍ , PET  ശ്രീ. മുഹമ്മദ്‌ ഹനീഫ എന്നിവരുടെ നേതൃത്വത്തിലാണ്  മത്സരങ്ങള്‍ സംഘടിപ്പിച്ചത്.

iame തൃശൂര്‍ സോണ്‍ ആര്‍ട്സ് ഫെസ്റ്റില്‍ ഫസ്റ്റ് റണ്ണര്‍ അപ്പ്‌ സ്ഥാനം മഹ്മൂദിയ്യക്ക്

നവംബര്‍ 14 ശനിയാഴ്ച  ശിശു ദിനത്തില്‍  സംഘടിപ്പിച്ച  iame തൃശൂര്‍ സോണ്‍ ആര്‍ട്സ് ഫെസ്റ്റില്‍ ആഥിധേയരായ മഹ്മൂദിയ്യ സ്കൂള്‍  699 പോയന്‍റ് നേടി കൊണ്ട് ഫസ്റ്റ് റണ്ണര്‍ അപ്പ്‌ സ്ഥാനം നേടി.  

നവംബര്‍  11 ബുധനാഴ്ച്ച ദേശീയ വിദ്യാഭ്യാസ ദിനത്തില്‍  വള്ളിവട്ടം ഉമരിയ്യ പബ്ലിക്‌ സ്കൂളില്‍ വെച്ച് നടന്ന Off -stage മത്സരങ്ങളില്‍  291 പോയന്‍റ് നേടി  ഒന്നാം സ്ഥാനത്തെത്തിയ  മഹ്മൂദിയ്യ  പ്രതിഭകള്‍ സബ് -ജൂനിയര്‍, ജൂനിയര്‍ ബോയ്സ് , ജൂനിയര്‍ ഗേള്‍സ് , സീനിയര്‍ ബോയ്സ് , സീനിയര്‍ ഗേള്‍സ്‌ എന്നീ കാറ്റഗറിയില്‍ രണ്ടാം സ്ഥാനം നേടി കൊണ്ടാണ്   ഈ നേട്ടം  കൈവരിച്ചത്.

ട്രോഫികള്‍ ഏറ്റുവാങ്ങുന്ന മഹ്മൂദിയ്യ
വിദ്യാര്‍ഥികള്‍

        മത്സരങ്ങളില്‍ 779 പോയന്‍റ് നേടിയ അല്‍ -ബാബ് സെന്‍ട്രല്‍ സ്കൂള്‍ കാട്ടൂര്‍ ഒന്നാം സ്ഥാനവും  അല്‍ -ഇര്‍ഷാദ് സ്ക്കൂള്‍ മൂന്നാം സ്ഥാനവും നേടി.
                         
   iame ഒഫീഷ്യലുകളുടെ  പങ്കാളിത്തം, ഓണ്‍ ലൈന്‍ ഫലപ്രഖ്യാപനം  എന്നിവ സുതാര്യത  കാത്തു സൂക്ഷിക്കുവാന്‍  സഹായകമായി.കൃത്യസമയത്ത് പരിപാടികള്‍ തുടങ്ങുവാനും അവസാനിപ്പിക്കുവാനും  കഴിഞ്ഞത്    പ്രോഗ്രാം കമ്മിറ്റിയുടെ സംഘാടന മികവ് ഉയര്‍ത്തി കാട്ടുന്നു എന്ന്‍ iame  ഒഫീഷ്യലുകള്‍ അഭിപ്രായപ്പെട്ടു.

ഐ.എസ്.ആര്‍.ഒ. മുന്‍ശാസ്ത്രജ്ഞന്‍ ഡോ : അബ്ദുള്‍ സലാം മുഹമ്മദ്‌ നയിക്കുന്ന മോട്ടിവേഷന്‍ ക്ലാസ്സ്‌

വിജയങ്ങളും അനുമോദനങ്ങളും  ഏറ്റുവാങ്ങി കൊണ്ട് മഹ്മൂദിയ്യ   വിജയ യാത്ര തുടരുന്നു. അനുമോദനങ്ങളും പ്രോത്സാഹനങ്ങളും ഒരു വ്യക്തിയുടെ വിജയപ്രവര്‍ത്തനങ്ങള്‍ക്ക് ചവിട്ടുപടികളാകുന്നു.   തന്‍റെ കുട്ടിയുടെ നേട്ടങ്ങളെയും കഴിവുകളേയും അഭിനന്ദിക്കുവാനും പ്രോത്സാഹിപ്പിക്കുവാനും മറന്നു പോകുന്ന രക്ഷിതാക്കളെയും  അധ്യാപകരെയും ബോധാവന്മാരാക്കുവനായി ഐ.എസ്.ആര്‍.ഒ. മുന്‍ശാസ്ത്രജ്ഞന്‍ ,  മര്‍കസ് നോളെഡ്ജ് സിറ്റി സി.ഇ.ഒ എന്നീ നിലകളില്‍ പ്രശസ്തനായ   ശ്രീ. അബ്ദുള്‍ സലാം മുഹമ്മദ്‌ നയിക്കുന്ന മോട്ടിവേഷന്‍ ക്ലാസ്സ്‌ നവംബര്‍ 16 ,തിങ്കളാഴ്ച്ച രാവിലെ 9.45 ന് മഹ്മൂദിയ്യ ക്യാമ്പസില്‍. എല്ലാ മാതാപിതാക്കളേയും പരിപാടിയിലേക്ക് സ്നേഹപൂര്‍വ്വം ക്ഷണിക്കുന്നു.

കേരള പിറവി ദിനാഘോഷം

കേരള നാടിന്‍റെ ജന്മദിനം  മഹ്മൂദിയ്യ കുരുന്നുകള്‍ ആവേശപൂര്‍വ്വം ആഘോഷിച്ചു. ഏഴാം ക്ലാസ്സ്‌ വിദ്യാര്‍ഥികള്‍ സംഘടിപ്പിച്ച  അസംബ്ലിയില്‍ കുട്ടികള്‍  വിവിധ പരിപാടികള്‍ അവതരിപ്പിച്ചു കൊണ്ട് ജന്മനാടിന്‍റെ പിറന്നാള്‍ ആഘോഷിച്ചു. 

അസംബ്ലിയില്‍ പ്രധാനാധ്യാപകന്‍ ശ്രീ.അബ്ദുള്‍ റഷീദ് മാതൃരാജ്യസ്നേഹവും മാതൃഭാഷാ സ്നേഹവും വിശ്വാസത്തിന്‍റെ ഭാഗമാണ് എന്ന മഹത്തായ സന്ദേശം കുട്ടികള്‍ക്ക് നല്‍കി. മാതൃഭാഷയിലൂടെ സ്വായത്തമാക്കുന്ന ജ്ഞാനം പൂര്‍ണതയിലെത്തുന്നു. ശരിയായ രീതിയിലുള്ള മാതൃഭാഷജ്ഞാനം മറ്റു ഭാഷകളെ മനസ്സിലാക്കുവാനും പഠിക്കുവാനും വളരെയധികം സഹായിക്കുന്നു എന്ന കാര്യം അദ്ധേഹം കുട്ടികളെ ഒര്‍മ്മപ്പെടുത്തി.

തുടര്‍ന്ന്‍ നടന്ന പരിപാടികളില്‍ സ്കൂളിലെ ആന്‍റി ശ്രീമതി .ലീല അവതരിപ്പിച്ച കേരള ഗാനം വളരെയധികം  ശ്രദ്ധിക്കപ്പെട്ടു.കുട്ടികള്‍ക്കായി നാടന്‍ പാട്ട് അവതരണ മത്സരവും സംഘടിപ്പിച്ചിരുന്നു.