മഹ്മൂദിയ്യ വാര്‍ത്തകള്‍

*മഹ്മൂദിയ്യഃ സ്കൂളിന് നേട്ടം*
മനക്കൊടി അൽ അസ്ഹർ ഇംഗ്ലീഷ്  സ്കൂളിൽ നടന്ന 8 )-മത്  ഇന്റർ സ്കൂൾ കരാട്ടെ ചാമ്പ്യൻഷിപ്പിൽ 85 പോയിന്റ് നേടി മഹ്മൂദിയ്യഃ ഇംഗ്ലീഷ് സ്കൂൾ പെരിഞ്ഞനം ഒന്നാം സ്ഥാനം നിലനിർത്തി.സ്കൂൾ ചെയർമാൻ  അഫ്രാതിം എ ഹംസ ചാംപ്യൻഷിപ്പ് ഉൽഘാടനം ചെയ്തു.പ്രിൻസിപ്പൽ ഡോ.ജവഹർലാൽ അധ്യക്ഷത വഹിച്ചു.കലാ കായിക മേഖലയിൽ കുട്ടികൾക്ക് കൂടുതൽ  അവസരം നൽകണമെന്ന്   അദ്ദേഹം വ്യക്തമാക്കി.IFKF സിക്രട്ടറി ശിവാജി,മഹ്മൂദിയ്യഃ സ്കൂൾ കായിക വിഭാഗം അദ്ധ്യാപകൻ മുഹമ്മദ് ഹനീഫ എന്നിവർ ആശംസകൾ അറിയിച്ചു. 7 സ്കൂളുകളിൽ നിന്നായി 160 കുട്ടികൾ  പങ്കെടുത്ത   മത്സരത്തിൽ 32 പോയിന്റുമായി GUPS പുരനാട്ടുകര,30 പോയിന്റുമായി അൽ അസ്ഹർ മനക്കൊടി എന്നിവർ രണ്ടും മൂന്നും സ്ഥാനങ്ങൾ കരസ്ഥമാക്കി.ശ്രീമതി നയന നന്ദി രേഖപ്പെടുത്തി.