ക്ലാസ് മുറികൾക്കും പാഠപുസ്തകങ്ങൾക്കും സിലബസ്സിനുമെല്ലാം അവധികൊടുത്ത് അധ്യയന വർഷത്തെ അവസാന ദിനം മഹ്മൂദിയ്യ അവിസ്മരണീയമാക്കി. അധ്യാപക -അനധ്യാപക അംഗങ്ങൾ ഉൾപ്പെടുന്ന മഹ്മൂദിയ്യ ഫാമിലി ഈ ദിനം തങ്ങളുടെതാക്കി മാറ്റി. ബി.എഡ്.പഠനകാലത്തെ ക്യാംപ് പ്രവർത്തനങ്ങളെ ഓർമ്മിപ്പിക്കുന്ന രീതിയിൽ സ്കൂൾ ക്യാംപസിൽ തന്നെ എല്ലാവർക്കുമുള്ള വിഭവ സമൃദ്ധമായ സദ്യ ഒരുക്കി എല്ലാവരും ഒത്തൊരുമയുടെ സുഖം ആസ്വദിച്ചു. വലുപ്പചെറുപ്പമില്ലാതെ, സീനിയർ-ജൂനിയർ വ്യത്യാസമില്ലാതെ എല്ലാവരും ഒന്നിച്ചു നിന്നപ്പോൾ മഹ്മൂദിയ്യ ഫാമിലി അക്ഷരാർത്ഥത്തിൽ ഒരു കുടുംബമാവുകയായിരുന്നു.വിവിധയിനം കറികൾ,പായസം തുടങ്ങിയ വിഭവങ്ങൾ ഓരോരുത്തരും തയ്യാറാക്കിയപ്പോൾ കുടുംബാംഗങ്ങൾ തമ്മിലുള്ള അടുപ്പം ഇരട്ടിച്ചു. ശാന്തി ക്ലബ്‌ കോഡിനേറ്റർ ശ്രീമതി ബിജി രാജുവിന്റെ് നേതൃത്വ ത്തിലാണ് ഇങ്ങനെയൊരു പരിപാടി വിജയകരമായത്.
No comments:
Post a Comment